Mashy.com Blog Beta

بسم الله الرحمن الرحيم

و الحمد لله رب العالمين و به نستعين اما بعد

اثناء فترة الدراسه ارهقتنا قوانين الفزياء حتي البسيط منها و لازلت اذكر قانون نيوتن ان لكل فعل رد فعل مساوي له في المقدار و مضاد له في الاتجاه

عدها احسست ان نيوتن هذا شخص زو كرامه ما حتي في الفزياء فهو لا يقبل بسكون المفعول به بل يعطي له الحق بالرد بنفس القوة و ضد اتجاه الفاعل

و اظن ان هذا صوابا ولـــــــــــكن

في مثل متكرر غالبا في كل الثقافات عربيه او غربيه او حتي اسياويه

ساعة الطوفان حط ابنك تحت رجليك

علشان ما نعلي و نعلي لازم نطاطي نطاطي نطاطي

و هذا يتناقض تماما مع نيوتن و قانونه و لكنه اصبح قانون عصرنا هذا عفوا نيوتن انت و قوانينك و مبادئك ليس لك مكان الا الكتب التي لم يعد يقرائها احد

بس انا عاوز اسئل سؤال هل جيلنا ده هيرضي يمشي علي نفس القوانين ؟؟؟ مظنش ان جيلي هيرضي انه يطاطي يطاطي

عن نفسي انا مش هطاطي بأذن الله

عموما الامثله كتير و كنت عاوز اقول اكتر بس انا اتخنقت  و شايف كفايه المثل ده

مش عاوزين ننشر غسيلنا الوسخ قدام الناس

بسم الله الرحمن الرحيم

و به نستعين اما بعد

هي يوم ما راقفت مجموعة من صغار العائله في زياره الي حديقة الحيوان  فطلبوا مني ان اصحبهم الي قفص السباع (الاسود) فوقعت عيني علي هذا السبع العجوز الذي يتوسط القفص و تظهر علي ملامحة سنين الدهر و قد اهلكت منه الكثير

لا اعرف لماذا تعاطفت مع هذا الحيوان الشرس من اول وهله

و كنت قريبا من القفص في محاوله لتفحص عينيه جيدا  ( العيون تظهر ما في القلوب ).....! مهما حاول صاحبها الاخفاء

عندها قام احد الاسود الشابه بضرب الاسد الكبير بقدمه و كنت قريبا جدا ولاحظت الضربة وقوتها فما كان منه الا ان التفت لهذا الاسد الشاب ثم ادار عينيه نحوي ثانيه

عندما نظر لي احسست بانه اصطدم بحقيقه غائبة  ويغلفها شعور بالاسي والانكسار الشديد ثم تتبعها تلك النظره بالعزة و الرغبه في الاستمرار و التحدي  عندها احسست بالخوف   و بالطبع ليس من الاسد المتهالك او من غيره  فانا لا اخشي الا الله 

و عندما عدت الي منزلي  كان برفقه ابي احد اصدقائة المقربين  فاخبرتهم عن القصه الغريبة و كيف ان الاسد الصغير يضرب الاسد العجوز و هو حتي لا يدافع عن نفسه و ظل الاثنان يسمعان قصتي في سكوت تام و بلا تعليق

عنده ركزت في عينهما  رأيت نفس نظرت الاسد العجوز

لاحظتها في عين الاسد و عين ابي و عين صديقه و عين صدام  عند المحاكمة و الاعدام

و تيقنت تماما  انني سأمر بهذا الشعور ان مد لي الله في العمر

في النهايه قال ابي لصديقه بعد ان فهما مغزي قصتي

عدينا الخمسين....و بداء العد التازلي

فرد عليه : علي الاقل عيالنا مبيضربوناش يا حج

و السلام ختام

محمد محارب

بسم الله الرحمن الرحيم

حد فاكر اول يوم ليه في المدرسة

و اول زميل و اول دسك و اول واجب و اول عصايه كلها زكريات جميله

و لما كبرنا ودخلنا الجامعه فاكرين احلامنا اننا المستقبل و رفضنا للواقع و رغبتنا في تغيررة

فاكرين احلامكم       انا نسيت حلمي

بجد صدمه  بعد التعب و المزاكرة و المشاريع  و النقاشات و الامتحانت و  تخرج تلاقي ان فيه زيك كتير انا حاسس بظلم

فاكر اول بنت عرفتها  فاكر عرفتها ليه  يمكن علشان كل الشله كانوا يعرفوا بنات و جايز كنت بتحبها  بس انت فاكر سبتها ليه   و يا تري هي كمان  فاكراك و يا تري بتقول عليك ايه      ممكن تكون ظلمتك  و جايز تكون انت ظلمتها  

مسئلتش نفسك يوم  يا تري اول ما اتولدت امي لما شافتني كان نفسها اكون ايه    يا تري قدرت تحقق املها فيك  و يا تري لما شافت حالك دلوقتي رايها فيك ايه     ..ء

مش عارف ليه انا عاوز اكتب الكلام ده و  بس عارف ليه افتكرته دلوقتي

بالنسبة ليا

اول زميل عرفته اسمة عادل كنا في الحضانه سوا و كانت حضانتنا جميله اوي

اصلها كان ليها جنينه كبيرة و قدام الجنينه كان فيه ترعه صغيرة و عليها شجرت صفصاف  كنا ديما بنقعد عندها ونلعب انا لسه فاكر و عمري ما هنسي

اه عادل ده معايا في نفس الدسك من اولي حضانه لحد 3 ثانوي

افتكرته دلوقتي لما اعتقلوة  بيقولو انهم عاملين تنظيم عسكري تبع الاخوان المسلمين   بس انا عارف صحبي  مكنش بيحضر دبيحة العيد علشان بيخاف من الدم و مش بيخاف بس بيغمي عليه  وحسبي الله و نعم الوكيل

 الجامعه بقي دي قصه كبيرة و وهم اكبر  كنت داخل و حاسس اني صلاح الدين  ورافض كل شيء و عاوز اغير كل شيء من اول طريقه كلام الناس و الالفاظ الزباله الي بيقولوها لحد سلاح العسكري الي في الجامعه بدل ما يضربني انا  يوفر الطلقه و يضربها في الي عاوز يبوظ بلدنا

اتخرجت و جبت جيد جدا  و كان ترتيبي الرابع علي الكليه

لما استلمت  الشهاده في ايدي قلبي قعد يدق  علي صوت كنت سامع صوت قلبي  حاله كده من الفرح للنشوة لحجات كتير اوي مش عارف اوصفها و لكن كل احلامي اتبددت لما اتقدمت لاول وظيفه و قالولي

مش حتاجين حد لسه خريج عاوزين شهادة خبرة  !!!! قلتله انا مش عاوز منكم مرته لحد انتو ما تقرروا اني بضيف للشغل بتاعكم

قلي يلا متعطلناش يا استاذ    سعاتها بس و مش عارف ليه حسيت اني مظلوم

اما بقي البنت الي عرفتها فا انا مريت باكتر من مرحله

مرة حبيت البنت دي بجد و حسيت اني مش ممكن اعيش من غيرها و انها نصي التاني الي خلقه ربنا و هي دي مش ممكن افكر في غيرها  و لما كبرنا قطعت اخبرها عني و معرفش عنها حاجه لدلوقتي و مش عاوز اعرف  الي فات مات

و التانيه  هي الي عرفتني و حبتني و قررت اني اكون جوزها  بس انا محست من نحيتها باكتر من صديقه

و التالته دي بقي حكايه عرفتها و حبتها و حبتني و لما قربنا نتخرج قالتلي جالي عريس و انا هرفض   ساعتها بس فكرت انا فاضلي قد ايه و اكون جاهز اتجوزها و هي ممكن تستناني قد ايه

لقت نفسي بتقلي سيبها لو كنت فعلا بتحبها  و طبعا رفضت في الاول بس في الاخر اختفيت من حياتها  و طبعا تجربتي الاولي  و طريقه اختفاء البنت دي خلتني انفذ الموضوع علي نفس المستوي

مش عارف ليه انا حاسس اني مظلوم معاهم التلاته

اما عن امي و احلمها ليا انا قدرت احقق النص و ده اني اتعلمت و اخدت اعلي الشهادات و النص التاني بقي انا مظلوم  اصلهم عاوزين شهاده خبرة

الدنيا ي الساقيه حاجة كده بتدور رائسي و احنا متشعبطين فيها هي الي بتحركن و انا ملناش شيء الا الي كتبة لينا ربنا

عموما انا برضوا انا مش عارف كتبت الكلام ده ليه

و السلام ختام

محمد محارب

كل سنه و انتوا طيبين  عام خير انشاء الله

يلا بينا نضحك شوية

ماسنجر أيام الجاهلية.

ابا ابا جهل : مرحباً يا ابا لهب ......

ابا لهب : عمت مساءا يا ابا جهل .. كيف حالك هذا المساء ؟

ابا جهل : اين انت يا ابا لهب لا اراك في "شات عكرمــة" هذه الايام ؟!!!

ابا لهب : انا لم ابرح خيمتي منذ ايام يا صاح ..

ابا جهل : ولماذا ؟

ابا لهب : تبا لكمبيوتري دخله فيروس من النوع الحبشي وضرب اللوحة الام مع اني وضعت له مقاوم للفيروسات الحبشية .. ولكن تبا لهذا المقاوم ... فقمت بتغيرها من عند وكالة (( مسيلمة الكذاب )) ...

ابا جهل : لو اعلمتني لكنت اتيت معك لانني اعرفه فهو من رجال عشيرتنا .

ابا لهب : ولكن قل لي .. هل سأل عني أحد في " دار عكاظ كوفي نت " ؟

ابا جهل : ثكلتك امك ...ان لك شعبيه كبيره يا ابا لهب . ..سألت عنك عبسه بنت جرير .. وجدناها اتت ببعيرها وتقول بانها قلقه عليك لانك لم تفتح "الماسنجر " منذ اسبوعين

ابا لهب : عبسه بنت جرير تلك الفتاه الشمطاء ..تباً لها ..انني اكرهها ..
قل لهم سأكون " اون لاين "..بعد ما انتهي من الورشة لان بها فرسي واعمل لها ( التشييك ) .. ووغيار الزيوت .. و كيف حال ابنك جهل يا ابا جهل ؟

ابا جهل :اااه يا ابا لهب أكاد أجن منه , البارحة اخذ فرسي خلسة و راح يشفط فيه . .. كاد ان يرتكب حادث فظيع ... و لكن ماذا سنفعل انه مجرد ولد طائش .. وانت ما اخبار لهب معك ؟

ابا لهب : لقد ارسلته الى الجيش لكي يؤدي الخدمه الالزامية و ووضعنا له واسطة لكي يكون بالقرب من مضاربنا ... و اختصاصه الرماح طويلة المدى .

ابا جهل :حسناً حسناً يا صديقي .. استاذنك لاني سأذهب لأرد على بعض المواضيع في منتديات (( قريش دوت كوم ... ))

ابا لهب : تشاو يا ابا جهل..

عاوز ردوووووووود

محمد محارب

بسم الله الرحمن الرحيم

و به نستعين

و اعوز بالله السميع العليم من الشيطان الرجيم

  ان الانسان يمر في مراحل حياته بعدد كبير من المواقف التي تكون شخصيته بالاضافه الي  التربية و الوسيله التعليمة   و هؤولاء هم المسؤولون الاساسيين عن الشخصيه الخاصه بكل فرد منا

و لكن الشيء الاهم في صياغة التركيبة الفريده و الخاصة بكل فرد علي حدي هي درجة التعلق بالدين

و لذالك نستطيع قياس قدرة كل فرد منا علي الاستمرار علي الصواب من خلال معرفه مقياس الدين في شخصيته و هو شيء في غايه الصعوبة لانها الشيء الوحيد الذي يكمن في نفس الانسان و غالبا ما تفشل تصرفات الفرد ذاته في ايضاحها

الي فات مش كلام من كتاب ده تفكير العبد لله

و علشان كده  دورت علي الطريقه السليمة لارتباط السليم بالدين بدون تشدد او تساهل بمعني الوسطية في كل شيء

لقيت الدين بينظم كل شيء

بجد كل شيء

مثلا  لو تلاحظ الفروق بين كل صلاة و صلاة هتلاقي مساحة تقدر تشتغل فيها و انت مركز

و لو بتدرس و ظبط جدول مواعيدك علي مواعيد الصلاة هتلاقي انك بتستوعب اكتر   بتذاكر اكتر

و غير الحجات دي لو تدور بقي في الدين علي الحرية

هتلاقي انها متمثله في اعظم صورها

من بدايه اختيار الزوج لزوجته و حق البنت في الرفض او القبول    حق الطلاق حق المساوة بين البشر مع اختلاف الوانهم حق الرعايا في اختيار الحاكم حق  بمعني ادق العدل في كل شيء

و العدل من اسماء الله طبعا زي ما احنا عارفين

طيب ايه علاقه الكلام ده بالعنوان

اقلكم التقدم مهما كان  في اي شيء ديما بيدعوا الي التغير علشان نساير الجديد و انا بقول لاء

الثبات هو الي بيصنع التقدم   

فكروا معايا كده

لو ان كل واحد عنده شركه او مصنع عمل زوية صغيرة و ادي راحة وقت الصلاه

لو ان موظفين الحكومه بياخدوا وقت للصلاه

لو الجامعه تظبط وقت المحاضرات علي مواقيت الصلاه

اكيد الصلاه دي هتغير كتير و كتير اوي كمان

طيب لو كل ولد فينا بطل يبص لدي و يشيل عينه من علي دي يحطها علي دي

لو كل واحد فينا يا شباب عرف انه ممنوع يرطبت ببنت الا ازا كان هيتجوزها

 هيحصل ايه لو الواحد مننا نام و ابوة و امة مش غضبانين منه

هيحصل ايه لو بقي فيه مـــــلياااااااااااااار و و اربع مئة مليون مسلم بجد

اول شيء  هيبقي فيه حرية

هيبقي فيه ثقه بينا و بين بعض

الي هيخونك  هيجي و يصالحك مش علشان خايف منك علشان خايف من ربنا

هيحصل ايةو ايه و ايه

لو بس اتقينا ربنا  مش برضوا هنتقدم و هنتطور و هننشر فكرنا

يا جماعه رسولنا كان قران يمشي علي الارض 

عارفين ازاي

بيطبق كل الي فيه 

علشان كده مفكرين الغرب قالوا عنه كلام كتير اوي ممكن احنا مقولنهوش و هم مش مؤمنين بيه

  مسئلتش نفسك ليه مبيحترموناش لاننا مش زية

فيه ايه في القران بتقول (وستعمركم فيها ) و ايه تانيه بتقول  (وعد الله الذين ءامنوا ليستخلفنهم في الارض )ربنا وعد و بيوفي

بس لما نوفي بوعدنا و نبقي مؤمنين و كمان قادرين علي المسؤوليه دي 

ربنا سبحانه لما كان بيبعث الانبياء كان يؤيدهم بالمعجزات و بتكون فيما برع فيه قوم هذا النبي او الرسول مثلا موسي بالسحر لانهم برعوا فيه و عيسي بالطب لانهم برعوا فيه  و علي النبيين السلام و من تبعهم باحسان

و دلوقتي الارض يملكها من يملك اقتصاد قوي من يملك تكنولوجيا متطورة من يملك جيش قوي ليحمية 

طبعا السطر الي فات ده يحتاج سنين علشان يتحقق و كلنا بنقف بالعجز لما نفكر في تحقيقه بس السئله مسئلة وقت ممكن احنا ما نوصلش بالعمر لما نشوف ده بس احنا نبداء و اولادنا  يوصلوا 

لاننا لو اجلنا و الي بعدنا اجل مش هنوصل

زمن المعجزات انتهي 

دعونا نتقدم بالعوده الي الوراء نستقي منه زيتا لقنديل المستقبل 

اخوكم محمد محارب  

بســم اللـــــه الرحمن الرحيم

و به نستعين

رجاء استعز بالله من الشيطان الرجيم و اكمل قرائة

واقع عصيب
تواجه الدول الإسلامية تحديات كثيرة وعظيمة من: الفقر، والنزاعات، والتبعية، ومتطلبات الإصلاح السياسي والاقتصادي، وتوازن العلاقات والمصالح، وأزمات وقضايا كبرى أهمها فلسطين والصراع العربي الإسرائيلي، ثم كشمير، والبلقان، والشيشان، وغيرها كثير. وما يدعو إلى الحزن والتفاؤل في الوقت نفسه أن ما يمكن تحقيقه هو أفضل بكثير مما تحقق في الواقع، فالفرص والإمكانات والموارد المتاحة في العالم الإسلامي تتيح إنجازات أخرى أهم وأكبر، وليس ثمة ما يمنع تحقيقها سوى إرادة سياسية وفاعلية إدارية وتنظيمية.

ولا شك أن حال الدول الإسلامية في مستهل القرن الحادي والعشرين هو أفضل بكثير من بداية القرن العشرين، فقد تحررت الدول الإسلامية من الاحتلال، وحققت الاستقلال، وأقامت جامعات ومدارس ومؤسسات وجيوشا ودولا حديثة، وتحققت نهضة ثقافية وفكرية متقدمة بكثير عما كانت عليه في القرن السابق

نظرة جديده

يقال لنا دوما و كل يوم من خلال شبكات التليفزيون الحكومية ان الدول العربية لها ثقلها الدولي و نشاطها الاقيمي و ان قادتها كلامهم مسموع لدي العالم اجمع  و بصراحة شديده الكلام ده مش داخل دماغي

كان الغرب يقسم العالم العربي الي دول مركزية و دول تبعيه و حدد الدول المركزية في (مصر و سوريا و العراق و السعودية ) و بتقدم هذة الدول تتقدم الدول التبعيه  و لكن العصر الحديث ابرز  هذة الدول التبعيه في صور متقدمة جدا و بالطبع مع سقوط الدول المركزيو سواء لسؤ الاحوال الاقتصاديه او الاحتلال او الفتن الطائفيه او المولاه التامة للغرب

لاحظ ان الغرب لا يعتبرون  ايران دوله عربية لان الحكام العرب لا يعتبرونها دوله عربية

لمحة تاريخيه

عندما تحولت ايران الي الشيعيه عند تولي الدوله الصفوية الحكم كانت تساعد الغرب في وقف التمدد السني  لدول  الجوار و كان ذالك ايام الدوله العثمانيه

وبالطبع اتخدت ايران عدواً للعرب

و ايران من حيث الموقع الجغرافي تحتل موقعا متميزا جدا حيث  تمتد حدوده بين دول الاتحاد السوفيتي السابق و  تركيا و افغانستان و باكستان و العراق و عمان بالطبع جذورها الحضاريه سواء المجوسية الخ ممتده عبر التاريخ

و يبلغ عدد سكان ايران حوالي 65 مليون نسمة منهم 10% سنه و 80% شيعه نصاري و يهود و بهائيين يمثلون 10% من عدد السكان

و لدي ايران قدرات عسكرية هائله و لها ثقل دولي نظرا لانها من اكبر مصدري البترول في العالم  و لديها جامعات و علماء علي مستوي عالي من التقدم

علي الوجة الاخر

نجد مصر  الدولة التي انتمي اليها  فهي تحتل قلب جزيرة العرب و تصل بين الدول الاسياوية و الافريقيه

و عدد سكانها حوالي 78مليون نسمه يمثل النصاري منهم نسبة 10% و الباقين ينتمون الي المذهب السني مع نسب قيله لا تتعدي 2% ينتمون الي  الشيعيه و اليهودية

و بالطبع فــأْن مصر لديها اكبر قوة عسكريه في المنطقة ومع اعلي قدرة في التسليح هذا ما اعلمة و ما اتمناه

حقيقه

و بالتالي فان الدول العربية لديهم دولتان هما الاقوي في التسليح و الاكثر تطورا و الاكثر تعدادا من حيث السكان و تعتبرا منارتان للعلم و الثقافه علي الرغم من الاختلاف

و لقد ذكرت متعمدا ايران عربية لانني لا اعتقد مها خطرا فكلنا نتبع دين واحد و لا تهمني المذاهب

و ما اريد ان اوضحة هنا ان الدولتان تحتلان موضعا الشرق و القلب بالنسبة للدول العربية و بينهما قاسم مشترك و هو الدين

وهو ما يؤكد ضرورة التعاون التام بينهما  بغض النظر عن اي شيء اخر  فا المصلحة و احده  وما نبغي  الا الاصلاح

نجد العلاقات مجمده  او لاتزيد عن تمثيل دبلوماسي ضعيف لا يكاد يذكر نظراً لوجود الجماد السياسي بين الدولتان

الاسباب

بعيدا عما حدث ايام الدوله العثمانيه و تحالف ايران مع الغرب فان الوضع تغير و اعلنت ايران دوله اســـلامية

و تحررت الدول العربية جميعا  ( بالطبع الافلسطين و لبنان و سوريا و نكبة العراق ) و لكن اقصد  الدول المركزية التي سبق ذكرها

نجد ان العلاقات جمدت بعد استقبال الرئيس السابق انور السادات شاه ايران الهارب بعد الثورة و بالطبع كان لهذا سبب ان الراجل و قف معنا في حرب 73 وقفة رجاله منع البترول عن الغرب و بجد مش زي دول تانيه

فكان استقباله نوع من رد الجميل  هذا من ناجية ما فعلته مصر

اما ما فعلته ايران انها اطلقت اسم الاســــلامبولي علي احد الشوارع و هو اسم قاتل السادات و هو مازاد الطين بله

طبعا بعد موقف كل الدول من مصر بعد معاهدة     كمب ديفيد

و هنا بقي نستغرب اوي لما نعرف ان قتلة السادات لم يتم اعدامهم  و لسة عايشين لغايه دلوقتي و بعضهم خرج من السجن     ( مترفعش حواجبك و تستغرب الكلام بجد و اسئل ) طب مادام هي كده ماشي

يبقي جحا اولي بلحم ثورة       !!! و لا ايه

و لقد لاحظنا ان ايران في عهد الرئيس السابق خاتمي تتودد الي مصر في خطوة جريئة  عندما ثبت مصر حكومة و شعب و غير  اسم الشارع و اتي لمصر يطلب الصلح و التعاون

كان الرد المصري دبلوماسي جدا في الرد و احال الموضوع للجان و الجان تعمل لجان  و خليها كده احسن يا عم خاتمي

اقلكم هكمل انشاء الله  في اقرب فرصة